سماجی رابطے کی ویب سائٹ ایکس (سابق ٹوئٹر) پر قومی ٹیم کے سابق کپتان نے گزشتہ روز اپنے بیٹے کو سالگرہ کی مبارکباد دی اور چند تصاویر شیئر کیں۔
اپنی پوسٹ میں شعیب ملک نے اپنے بیٹے اذہان کو سالگرہ کی مبارکباد دیتے ہوئے لکھا کہ ‘سالگرہ مبارک ہو بیٹا بابا آپ سے پیار کرتے ہیں’۔
شعیب ملک کی جانب سے اپنے بیٹے کی سالگرہ کے موقع پر سوشل میڈیا پر شیئر کی گئی ان تصاویر کے بیک گراؤنڈ میں ان کی اہلیہ اور سابق بھارتی ٹینس اسٹار ثانیہ مرزا نظر آرہی ہیں، ان تصاویر نے فوری طور پر صارفین کی توجہ اپنی جانب مبذول کرلی ہے۔
HAPPY BIRTHDAY Beta…
Baba loves you ❤️ pic.twitter.com/pT3GdIv5l8
— Shoaib Malik 🇵🇰 (@realshoaibmalik) October 29, 2023تصاویر میں شعیب ملک اور ثانیہ مرزا کو ایک ساتھ دیکھ کر ایک طرف تو اس جوڑی کے مداح خوشی کا اظہار کر رہے ہیں تو دوسری جانب کچھ صارفین کو شک ہوتا دکھائی دے رہا ہے کہ مناسب فیملی فوٹو نہیں ہے۔
واضح رہے کہ شعیب ملک اور ثانیہ مرزا کی علیحدگی کی خبریں گزشتہ سال سے گردش کر رہی ہیں۔
واضح رہے کہ شعیب ملک اور ثانیہ مرزا کو پہلی بار ایک ساتھ نہیں دیکھا گیا ہے بلکہ اس سال کے اوائل میں بھی ثانیہ مرزا کی ریٹائرمنٹ اور آسٹریلین اوپن میں آخری میچ کے بعد ان دنوں وہ دبئی میں اپنی رہائش گاہ پر قیام پذیر ہیں، دونوں کو ایک ساتھ دیکھا گیا جس کے بعد ان کی طلاق کی خبریں دم توڑ گئیں۔
دونوں ذاتی سوشل میڈیا پوسٹس میں ایک ساتھ نظر نہیں آتے جس کی وجہ سے طلاق کی خبریں زور پکڑتی دکھائی دے رہی ہیں۔
جوڑے کی جانب سے طلاق کی تصدیق یا تردید نہ کرنے کی وجہ سے طلاق کی خبریں کبھی دم توڑ جاتی تھیں تو کبھی زور پکڑتی نظر آتی تھیں۔
