سماجی رابطے کی ویب سائٹ ٹوئٹر پر اپنے پیغام میں انہوں نے کہا کہ لاہور ہائی کورٹ کے جسٹس مرزا وقاص رؤف کے فیصلے کے بعد ان کی لال حویلی کو سیل کردیا گیا ہے۔
اے ایم ایل کے سربراہ نے کہا کہ میں آج رائے ونڈ کے اجتماع میں شرکت کرنے جا رہا ہوں اور 5 نومبر کی نماز کے بعد واپس آؤں گا۔
سابق وزیر کے مطابق وہ لال حویلی کی تزئین و آرائش کے بعد 6 نومبر کو منتقل ہوجائیں گے۔
الحمداللہ میری کارڈک کی رپورٹ کافی حد تک تسلی بخش ہے اور اب میری سرجری نہیں ہو رہی یہ سب آپ کی دعاؤں کا نتیجہ ہے اور لال حویلی کو جسٹس مرزا وقاص رؤف صاحب کے حکم پر کھول دیا گیا ہے جس کی تزین وآرئش کے بعد 6نومبر کو میں لال حویلی شفٹ ہو جاؤں گا اور میں آج رائیونڈ تبلیغی اجتماع میں…
— Sheikh Rashid Ahmed (@ShkhRasheed) November 1, 2023انہوں نے مزید کہا کہ ان کی دل کی رپورٹس تسلی بخش ہیں اور وہ اپنے حامیوں کی دعاؤں کے بعد سرجری سے نہیں گزریں گے۔
شیخ رشید کا کہنا تھا کہ ان کا 80 فیصد سامان واپس کر دیا گیا ہے اور انہیں امید ہے کہ ان کا بقیہ 20 فیصد سامان جلد واپس مل جائے گا۔
انہوں نے کہا کہ میں تمام معاملوں میں ضمانت پر ہوں اور جلد ہی اپنے وکلاء سے ملاقات کروں گا اور ان کا شکریہ ادا کروں گا۔
انہوں نے کہا کہ میں اعتزاز احسن، سردار لطیف کھوسہ، سلمان اکرم راجہ اور سردار عبدالرزاق کا مشکور ہوں جنہوں نے تمام 12 مقدمات میں میری ضمانت میں اہم کردار ادا کیا۔
انہوں نے مجھ سے ایک پیسہ بھی نہیں لیا اور میں ذاتی طور پر ان کا شکریہ ادا کرنے کے لئے ان سے ملاقات کروں گا۔
