پاکستان سپر لیگ (پی ایس ایل) کے آٹھویں ایڈیشن سے 5 ارب روپے سے زائد کی آمدنی ہوئی ہے۔
پاکستان کرکٹ بورڈ (پی سی بی) کا فرنچائزز کے ساتھ ‘5-95’ منافع بانٹنے کا فارمولا ہے، جس کا مطلب ہے کہ پی سی بی اور چھ فرنچائزز کو بالترتیب 5 فیصد اور 95 فیصد حصہ ملے گا۔
آمدنی براڈکاسٹنگ، ٹائٹل اسپانسرشپ، گیٹ منی اور دیگر حقوق سے حاصل کی جاتی ہے، سینٹرل پول کی غیر آڈٹ شدہ تفصیلات سامنے آ چکی ہیں۔
کرکٹ پاکستان کے نمائندے کے پاس دستیاب تفصیلات کے مطابق ایونٹ سے مجموعی طور پر 5 ارب 62 کروڑ روپے کی آمدنی ہوئی۔
اس اعداد و شمار میں سے پی سی بی کا حصہ 58 کروڑ 25 لاکھ 34 ہزار 480 روپے ہے جبکہ فرنچائزز کا کل حصہ 50 کروڑ 46 لاکھ 76 ہزار 989 روپے ہے۔
اگر پی ایس ایل میں حصہ لینے والی چھ فرنچائزز میں تقسیم کیا جائے تو ہر ٹیم تقریبا 84 کروڑ 11 لاکھ 29 ہزار 498 روپے کا حصہ حاصل کرنے کی حقدار ہے۔
پی ایس ایل کی آمدنی میں سب سے بڑا حصہ ٹیلی ویژن براڈکاسٹنگ ڈیل کا ہے، جس میں ملکی اور بین الاقوامی دونوں مارکیٹیں شامل ہیں، نشریاتی حقوق ٹورنامنٹ کی مالی کامیابی کا ایک منافع بخش پہلو ثابت ہوئے ہیں۔
پاکستان سے ٹی وی براڈکاسٹنگ رائٹس سے 2,175,393,394 روپے جبکہ دیگر ممالک سے ٹی وی براڈکاسٹنگ رائٹس کے ذریعے 402,824,378 روپے کی آمدنی ہوئی۔
پروڈکشن کی لاگت اور فرنچائز فیس برداشت کرنے کے باوجود ، زیادہ تر فرنچائزز کو اس سال منافع کمانے کی توقع ہے۔
فرنچائزز کو دوسرے برانڈز کے ساتھ اپنے اسپانسر شپ معاہدوں کے ذریعے بھی کافی رقم حاصل ہوتی ہے، تاہم ملتان سلطانز کو فرنچائز فیس میں اضافے کی وجہ سے مزید ایک سال تک نقصان کا سامنا کرنا پڑ سکتا ہے۔
پی سی بی پی ایس ایل سے فرنچائز فیس کے ذریعے اربوں روپے کماتا ہے، فرنچائزز اکاؤنٹس سے مطمئن نہیں ہیں اور انہوں نے ٹکٹنگ سمیت کچھ چیزوں پر اعتراضات اٹھائے ہیں۔
