وزیراعظم نے سماجی رابطے کی ویب سائٹ ٹوئٹر پر اپنے پیغام میں کہا کہ عمران خان کی جانب سے 9 مئی کے بعد کے واقعات کو ‘انسانی حقوق کی خلاف ورزیاں’ اور ‘سیاسی احتجاج کے حق کا گلا گھونٹنا’ نہ صرف گمراہ کن ہے، بلکہ اس کا مقصد ملک سے باہر رائے عامہ بنانے والوں کو گمراہ کرنا اور ان پر اثر انداز ہونا ہے۔
In his interviews with international media outlets, Imran Niazi is openly and deliberately disinforming local & foreign audiences by glib talk laced with fake news & plain misrepresentation. His expedient description of the post-May 9 events as 'human rights abuses' & 'stifling…
— Shehbaz Sharif (@CMShehbaz) June 5, 2023پی ٹی آئی چیئرمین کو تنقید کا نشانہ بناتے ہوئے وزیراعظم عمران خان نے کہا کہ عمران خان نے بین الاقوامی میڈیا اداروں کو دیے گئے اپنے انٹرویوز میں کھلے عام اور جان بوجھ کر جعلی خبروں اور سادہ غلط بیانی پر مبنی گفتگو کے ذریعے مقامی اور غیر ملکی سامعین کو گمراہ کیا۔
انہوں نے کہا کہ 9 مئی کو ان کی جماعت نے جو کچھ کیا وہ بدنیتی پر مبنی اور مذموم مقاصد کے ساتھ ریاست پاکستان پر شرمناک حملہ تھا، دنیا کا کوئی بھی ملک اپنی سالمیت کو تباہ کرنے کی ایسی کوشش برداشت نہیں کرے گا۔
انسانی حقوق کی خلاف ورزیوں کی تردید کرتے ہوئے وزیراعظم نے واضح کیا کہ فوجی تنصیبات پر حملوں میں ملوث شرپسندوں سے قانون کے تحت نمٹا جا رہا ہے۔
انہوں نے کہا کہ پاکستان انسانی حقوق کے حوالے سے اپنی تمام آئینی اور بین الاقوامی ذمہ داریوں کا مکمل احترام کرتا ہے۔
