نائلہ نے جمعرات کو چوٹی سر کی جس کے بعد شہروز کاشف نے نیپال میں مانسلو چوٹی کو دوبارہ سر کیا اور 8 ہزار میٹر سے زیادہ بلندی پر 12 چوٹیاں سر کرنے والے دنیا کے کم عمر ترین کوہ پیما بن گئے۔
کئی عالمی ریکارڈ بنانے والی کوہ پیما لڑکی نے چہارشنبہ کے روز یہ سفر شروع کیا اور آج صبح 7:15 بجے چوٹی کو سر کیا۔ اپنے تازہ ترین کارنامے کے ساتھ ، اس نے نو 8 ہزار مکمل کیے۔
دو بچوں کی ماں اس سال چین میں واقع مزید دو چوٹیوں کو سر کرنے کا ارادہ رکھتی ہیں کیونکہ وہ 8,000 میٹر سے اوپر کی تمام 14 چوٹیوں کو مکمل کرکے کوہ پیمائی کے سفر کو آگے بڑھانا چاہتی ہیں۔
دبئی سے تعلق رکھنے والی پاکستانی بینکر نائلہ نے ایک سوشل میڈیا پوسٹ میں یہ اپ ڈیٹ شیئر کی جبکہ اس لڑکی کو مبارک باد پیش کی جا رہی ہے جو اس بات کی روشن مثال ہے کہ لوگ بظاہر ناقابل تسخیر رکاوٹوں پر کیسے قابو پا سکتے ہیں۔
اس سے قبل انہوں نے 2021 میں گیشربرم-2 (8،035 میٹر) کو سر کیا تھا اور گیشربرم-1 (8،068 میٹر)، کے 2 اور اناپورنا کی چوٹیوں کو سر کیا تھا، کیانی نے دنیا کی دوسری بلند ترین چوٹی کے ٹو کو بھی سر کیا تھا۔
Alhamdolillah!
BREAKING: Naila Kiani has become the First Pakistani woman to summit 8163m Manaslu.
Congratulations PAKISTAN.. Congratulations Naila…
Bravo!!#NailaKiani #NailaOnManaslu #Pakistan #Manaslu #Summit pic.twitter.com/f6qH9mznDJ
— Naila Kiani (@NailaKiani) September 21, 2023اس سے قبل 2023 میں نائلہ دنیا کی بلند ترین چوٹی ماؤنٹ ایورسٹ کو سر کرنے والی دوسری پاکستانی خاتون بن گئی تھیں۔
جولائی 2021 میں وہ دنیا کی 13 ویں بلند ترین چوٹی 8035 میٹر طویل گیشربرم ٹو کو کامیابی سے سر کرنے والی پہلی پاکستانی خاتون کوہ پیما بن گئیں، وہ 8000 میٹر سے اوپر کی پانچ پاکستانی چوٹیوں میں سے کسی کو بھی سر کرنے والی پہلی پاکستانی خاتون تھیں۔
جولائی 2022 میں کیانی ثمینہ بیگ کے ساتھ دنیا کی دوسری بلند ترین چوٹی کے ٹو سر کرنے والی دو پاکستانی خواتین میں سے ایک بن گئیں۔
نائلہ نے اپنی پہلی کوشش میں کامیابی کے ساتھ کے ٹو پر چڑھائی کی، اسی سال اگست میں، وہ دنیا کی 11 ویں بلند ترین چوٹی 8,080 میٹر کی گشربرم اول کی چوٹی کو کامیابی سے سر کرنے والی پہلی پاکستانی خاتون بن گئیں۔
معروف کوہ پیما کے ٹو سر کرنے کے بعد براہ راست گیشربرم اول کو سر کرنے والی پہلی پاکستانی خاتون بھی بن گئیں۔ اپریل 2023 میں کیانی نیپال میں واقع دنیا کی 10 ویں بلند ترین چوٹی اناپورنا کو سر کرنے والی پہلی پاکستانی خاتون بن گئیں۔
اس سال کے اوائل میں وہ 8848 میٹر بلند ماؤنٹ ایورسٹ کو سر کرنے والی دوسری پاکستانی خاتون بن گئیں، وہ 2023 میں ماؤنٹ ایورسٹ کی چوٹی تک پہنچنے والی پہلی بین الاقوامی کوہ پیما تھیں۔
