امارات کرکٹ بورڈ نے متحدہ عرب امارات کی مینز ٹیم کے لیے نئے ہیڈ کوچ کے انتخاب کے لیے بھرتی کا عمل شروع کر دیا ہے۔
منتخب امیدوار کا تقرر تین سال کی ابتدائی مدت کے لئے کیا جائے گا، جس کا آغاز جولائی 2023 سے ہوگا۔
مدثر نذر اس وقت عبوری ہیڈ کوچ کی حیثیت سے خدمات انجام دے رہے ہیں، یہ عہدہ انہوں نے رواں سال مارچ میں سنبھالا تھا۔
مدثر ای سی بی کے ہیڈ آف نیشنل اکیڈمی پروگرام کے عہدے پر بھی فائز ہیں اور وہ شارجہ میں ویسٹ انڈیز کے خلاف آئندہ ون ڈے سیریز اور زمبابوے میں آئی سی سی ورلڈ کپ کوالیفائر کے لیے عبوری ہیڈ کوچ کے عہدے پر برقرار رہیں گے۔
