پاکستانی اداکارہ حمائمہ ملک نے عمران ہاشمی کے ساتھ بالی ووڈ فلم راجا نٹور لال میں کام کرنے کے بارے میں پہلی بار کھل کر بات کی ہے۔
حال ہی میں انہوں نے یوٹیوبر معین زبیر کو ایک انٹرویو دیا ہے، جس میں انہوں نے عمران ہاشمی کے ساتھ کام کرنے کے بارے میں کھل کر بات کی ہے۔
عمران ہاشمی کے ساتھ تعلقات کے بارے میں پوچھے گئے سوال پر حمائمہ ملک نے جواب دیا کہ وہ میرے بہت اچھے دوست ہیں، وہ ایک حیرت انگیز انسان ہیں، وہ ایک شاندار اداکار ہیں، عمران ایک شاندار شخص ہیں۔
انہوں نے مزید کہا کہ میرا ماننا ہے کہ پاکستانیوں نے عمران ہاشمی کے تمام گناہ دھو دیے ہیں، کیونکہ وہ ہر وقت ان پر تنقید کرنا پسند کرتے ہیں، میری تمام پوسٹوں میں لوگ صرف ان پر تنقید کرتے ہیں، لوگوں کو ان چھوٹی چھوٹی چیزوں سے چھٹکارا حاصل کرنا چاہئے۔
اداکارہ نے کہا کہ عمران ہاشمی ایک مذہبی شخص ہے، وہ تمام قرآنی آیات کو جانتا ہے، ہم اکثر آیات پڑھتے تھے، وہ ایک بہت ہی پریکٹیکل مسلمان بھی ہیں، ان کی کسی کے لیے کوئی برائی نہیں ہے، ان کا دل نفرت اور گندگی سے پاک ہے۔
