حال ہی میں گلوکارہ نے فوٹو اور ویڈیو شیئرنگ پلیٹ فارم انسٹاگرام پر اپنی آنے والی میوزک ویڈیو کے کچھ مختصر ویڈیو کلپس شیئر کیے ہیں۔
ویڈیو کلپس کے ساتھ کیپشن میں لکھا گیا ہے کہ استاد نصرت فتح علی خان کی مشہور قوالی ‘جانی دور گئے’ کی میوزک ویڈیو 29 اکتوبر کو جاری کی جائے گی، جس میں استاد نصرت فتح علی خان کو خراج تحسین پیش کیا جائے گا۔
میوزک ویڈیو کے ان مختلف کلپس میں حدیقہ کیانی کے ساتھ اداکارہ ہانیہ عامر اور اداکار وہاج علی بھی نظر آرہے ہیں جبکہ پس منظر میں حدیقہ کیانی کی سحر انگیز آواز میں استاد نصرت فتح علی خان کی قوالی کے چند الفاظ بھی سنے جا سکتے ہیں۔
میوزک ویڈیو کے تھیم کا ذکر کرتے ہوئے گلوکارہ نے اپنے کیپشن میں لکھا کہ یہ دو محبت کرنے والوں کی کہانی ہے جنہیں بریک اپ کرنا پڑا۔
حدیقہ کیانی کی مختلف پوسٹس کے کمنٹس میں صارفین نے کمنٹ کیا کہ وہ مزید انتظار نہیں کر سکتے۔
ایک صارف نے گلوکار کی آواز کو سراہتے ہوئے کہا کہ وہ لیجنڈری استاد نصرت فتح علی خان کی قوالی کو ان کی آواز میں سننے کے لیے بے تاب ہیں۔
