لاہور: پاکستان اور نیوزی لینڈ کے درمیان پانچ ٹی ٹونٹی میچوں کی سیریز کا تیسرا میچ آج قذافی اسٹیڈیم لاہور میں کھیلا جائے گا، پاکستان کو سیریز میں 0-2 کی برتری حاصل ہے۔
دونوں کرکٹ ٹیموں کے درمیان آج کا میچ رات ساڑھے نو بجے شروع ہوگا، قومی ٹیم تیسرے ٹی ٹوئنٹی میچ میں کامیابی حاصل کرکے سیریز اپنے نام کرنے کیلئے میدان میں اترے گی۔
ٹام لیتھم کی قیادت میں کیویز کو پاکستان کے خلاف پانچ ٹی ٹوئنٹی اور اتنے ہی ون ڈے میچ کھیلنے ہیں۔
نیوزی لینڈ کی ٹیم اب تک کھیلے گئے دو ٹی ٹوئنٹی میچز میں شکست کا سامنا کر چکی ہے، آج کا اہم میچ جیت کر سیریز میں واپسی کی کوشش کرے گی۔
