مصنوعی ذہانت (اے آئی) کے گاڈ فادر کے طور پر دیکھے جانے والے ایک شخص نے اس شعبے میں ترقی سے بڑھتے ہوئے خطرات کے بارے میں خبردار کرتے ہوئے اپنی نوکری چھوڑ دی ہے۔
75 سالہ جیفری ہنٹن نے نیویارک ٹائمز کو ایک بیان میں گوگل سے استعفیٰ دینے کا اعلان کرتے ہوئے کہا کہ اب انہیں اپنے کام پر افسوس ہے۔
انہوں نے بتایا کہ اے آئی چیٹ بوٹس کے کچھ خطرات کافی خوفناک ہیں، اس وقت، جہاں تک میں بتا سکتا ہوں، وہ ہم سے زیادہ ذہین نہیں ہیں. لیکن مجھے لگتا ہے کہ وہ جلد ہی ہو سکتے ہیں.
ڈاکٹر ہنٹن نے بتایا کہ میری عمر 75 سال ہے، اس لیے ریٹائرمنٹ کا وقت آ گیا ہے۔
نیورل نیٹ ورکس اور ڈیپ لرننگ پر ڈاکٹر ہنٹن کی نمایاں تحقیق نے چیٹ جی پی ٹی جیسے موجودہ مصنوعی ذہانت کے نظام کی راہ ہموار کی ہے۔
مصنوعی ذہانت میں، اعصابی نیٹ ورک ایسے نظام ہیں جو معلومات کو سیکھنے اور اس پر عمل کرنے کے طریقے میں انسانی دماغ سے ملتے جلتے ہیں، وہ اے آئی کو تجربے سے سیکھنے کے قابل بناتے ہیں۔
برطانوی نژاد کینیڈین ماہر نفسیات اور کمپیوٹر سائنسدان نے بتایا کہ چیٹ بوٹس جلد ہی انسانی دماغ کی معلومات کی سطح کو پیچھے چھوڑ سکتے ہیں۔
