سکھر میں آٹے کا بحران شدت اختیار کر گیا ہے، علاقے میں آٹا 130 سے 140 روپے فی کلو کے درمیان فروخت ہو رہا ہے۔
تفصیلات کے مطابق سکھر میں آٹے کی قیمتیں آسمان کو چھو رہی ہیں۔ ہول سیل مارکیٹ میں آٹے کی قیمت 120 روپے فی کلو تک پہنچ گئی ہے جبکہ اوپن مارکیٹ میں آٹے کی قیمت 130 سے 140 روپے فی کلو کے درمیان فروخت ہو رہی ہے۔
دریں اثنا مقامی مارکیٹ میں آٹے کا 10 کلو کا تھیلا 11300 روپے میں فروخت ہورہا تھا جو چند روز قبل 900 روپے میں فروخت ہورہا تھا۔
دوسری جانب بلوچستان کے شہر کوئٹہ میں آٹے کی فی کلو قیمت 125 سے 130 روپے تک پہنچ گئی ہے۔
کوئٹہ اور بلوچستان کے دیگر علاقوں میں آٹے کی قیمتیں آسمان کو چھو گئیں جبکہ صوبے بھر کی بیشتر دکانوں پر آٹے کی قیمت دستیاب نہیں تھی۔
20 کلو آٹے کے تھیلے کی قیمت 2500 روپے تک پہنچ گئی ہے۔ دریں اثنا مقامی مارکیٹ میں آٹے کا 50 کلو گرام کا تھیلا 6 ہزار سے 6 ہزار 500 روپے کے درمیان فروخت ہو رہا ہے۔
