(ویب ڈیسک): امریکا سے تعلق رکھنے والے مشہور فٹنس شخصیت رچرڈ سیمنز 76 سال کی عمر میں انتقال کرگئے۔غیر ملکی میڈیا کے مطابق ہفتے کے روز رچرڈ سیمنز ریاست لاس اینجلس میں اپنے گھر میں مردہ حالت میں پائے گئے۔
میڈیا رپورٹس میں بتایا گیا ہے کہ ہفتے کے روز رچرڈ سیمنز ریاست لاس اینجلس میں اپنے گھر میں مردہ حالت میں پائے گئے اور یہ بری خبر ان کی سالگرہ کے اگلے روز سامنے آئی جس پر ان کے مداحوں کی جانب سے دکھ کا اظہار کیا جا رہا ہے۔
مقامی انتظامیہ کی جانب سے بتایا گیا ہے کہ رچرڈ کی موت طبعی طور پر ہوئی اور قتل جیسے کوئی شواہد نہیں ملے، البتہ فٹنس اسٹار نے رواں سال مارچ کے ماہ میں اپنی جلد کے سرطان میں مبتلا ہونے کے حوالے سے آگاہی دی تھی اور ساتھ یہ بھی بتایا تھا کہ علاج کے بعد وہ صحتیاب ہوگئے ہیں۔
میڈیا رپورٹس کے مطابق رچرڈ سیمنر نے 1970 اور 80 کی دہائی میں اپنی ورزش کی ویڈیوز سے شہرت حاصل کی، وہ مزاحیہ انداز میں فٹنس ویڈیوز بناتے تھے اور انہوں نے بہت سے لوگوں کو وزن کم کرنے میں مدد بھی کی۔
