19 دسمبر، 2022 کو، بالی ووڈ اسٹار قطر کے لوسیل اسٹیڈیم میں تھیں جہاں انہوں نے ارجنٹائن اور فرانس کے درمیان فائنل شروع ہونے سے پہلے فیفا ورلڈ کپ کی باضابطہ ٹرافی کی نقاب کشائی کی۔
اداکارہ نے تفریحی شعبے سے باہر کئی مواقع پر ہندوستان کا نام روشن کیا ہے، اب دیپکا کے شوہر رنویر سنگھ نے دیپکا کو ٹرافی کی رونمائی کرتے ہوئے دیکھا تو انہوں نے اپنے جذبات کا اظہار کیا۔
ای ٹائمز سے بات کرتے ہوئے رنویر سنگھ نے کہا کہ دپیکا کو ٹرافی کی نقاب کشائی کرتے ہوئے دیکھنا ان کے لئے فخر کا لمحہ تھا۔
قطر میں ہونے والے فیفا ورلڈ کپ کے بارے میں بات کرتے ہوئے رنویر سنگھ نے کہا کہ میں اپنی اہلیہ کے ساتھ وہاں آکر بہت خوش تھا، مجھے یہ دیکھ کر بہت فخر ہوا کہ وہ ایک ایسے کھلاڑی کے ساتھ ورلڈ کپ ٹرافی کی نقاب کشائی کر رہی ہیں جس کی میں واقعی تعریف کرتا ہوں۔
دیپکا پڈوکون کے ہمراہ 2010 ورلڈ کپ جیتنے والی ہسپانوی ٹیم کے کپتان آئکر کیسیلاس بھی موجود تھے۔
ورلڈ کپ کی رونمائی کے بعد دپیکا نے سوشل میڈیا پر ایک ویڈیو شیئر کرتے ہوئے لکھا کہ ‘فیفا ورلڈ کپ ٹرافی کی رونمائی سے لے کر کھیلوں کی تاریخ کے عظیم ترین کھیلوں میں سے ایک دیکھنے تک، میں واقعی اس سے زیادہ نہیں مانگ سکتی تھی۔
باجی راؤ مستانی کی اداکارہ نے سفید قمیض، براؤن اوور کوٹ اور بلیک بیلٹ پہن رکھی تھی۔
