بارکھان کے علاقے راداشم کے قریب مسافر وین اور بس کے درمیان خوفناک تصادم کے نتیجے میں 6 افراد جاں بحق اور 10 زخمی ہوگئے۔
یہ واقعہ بارکھان رادشم بزدار پٹرول پمپ کے قریب پیش آیا، عینی شاہدین نے بتایا کہ تصادم اتنا شدید تھا کہ چھ افراد موقع پر ہی جان کی بازی ہار گئے۔
حادثے کے بعد ایمرجنسی رسپانس ٹیمیں اور پولیس موقع پر پہنچ گئیں اور زخمیوں کو فوری طبی امداد فراہم کی اور متوفی کو قریبی اسپتال منتقل کردیا۔
جاں بحق ہونے والوں میں پٹھان نسل کے دو افراد اور سرائیکی برادری سے تعلق رکھنے والے چار افراد شامل ہیں جو مبینہ طور پر ڈائکوٹہ سے ملتان جارہے تھے جب یہ المناک حادثہ پیش آیا۔
جاں بحق ہونے والوں میں شہزاد، محمد کاشف، مجیب، تابش، عصمت اللہ اور محمد اکرم شامل ہیں، دو کا تعلق بلوچستان جبکہ چار کا تعلق پنجاب سے ہے۔
دریں اثنا مقامی حکام نے تصادم کی وجوہات جاننے کے لیے تحقیقات کا آغاز کر دیا ہے۔
