بالی ووڈ کے معروف اداکار اکشے کمار کو بھارتی ریاست اتر پردیش کے شہر سیتا پور میں موٹر سائیکل چلاتے دیکھنے کے لیے بڑی تعداد میں مداح جمع ہوگئے۔
بھارتی میڈیا کی رپورٹ کے مطابق، اکشے کمار آج کل اپنی نئی فلم ’اسکائے فورس‘ کی شوٹنگ کے سلسلے میں سیتا پور میں موجود ہیں لیکن ابھی تک اداکار نے خود اس کا باضابطہ طور پر اعلان نہیں کیا ہے، سوشل میڈیا پر سیتا پور سے اکشے کمار کی ایک ویڈیو وائرل ہو رہی ہے جس میں اُنہیں سخت سیکیورٹی کے درمیان موٹرسائیکل چلاتے ہوئے دیکھا جاسکتا ہے۔
