چیئرمین پیپلزپارٹی بلاول بھٹوزرداری نے کہا ہے کہ پاکستانی خواتین بے مثال بہادری، عظیم صلاحیتوں اور ناقابلِ تسخیر حوصلے کی علامت ہیں۔
خواتین کے قومی دن پر اپنے پیغام میں بلاول بھٹو زرداری نے کہا کہ انسانی حقوق کی پاسداری خواتین کو برابر کے حقوق دیے بغیر ناممکن ہے۔
انہوں نے کہا کہ پاکستانی خواتین بے مثال بہادری، عظیم صلاحیتوں اور ناقابلِ تسخیر حوصلے کی علامت ہیں، مادر ملت، بیگم بھٹو اور شہید محترمہ بینظیر بھٹو دنیا کیلئے رول ماڈل ہیں۔
بلاول بھٹو نے خواتین کے قومی دن پر تمام ماوَں، بہنوں اور بیٹیوں کو مبارکباد دیتے ہوئے کہا کہ آج کا دن پاکستانی خواتین کی جمہوریت کیلئےجدوجہد کی علامت کا دن ہے۔
