پاکستان کرکٹ ٹیم کے فاسٹ بولر نسیم شاہ نے سابق کرکٹر عاقب جاوید کے اس بیان کے جواب میں اپنے خیالات کا اظہار کیا ہے جس میں انہوں نے اپنی وائٹ بال کرکٹ صلاحیتوں کے لحاظ سے زمان خان کو نسیم شاہ سے آگے رکھا تھا۔
انہوں نے کہا کہ وائٹ بال کرکٹ میں زمان خان کے پاس جو صلاحیتیں ہیں، ہم حال ہی میں کینیڈا گئے ہیں، میرے خیال میں وہ اس وقت دنیا کے بہترین ڈیتھ بال بولرز میں سے ایک ہیں، میں انہیں وائٹ بال کرکٹ میں نسیم سے زیادہ درجہ دیتا ہوں۔
جب نسیم سے عاقب کے تبصرے پر اپنا نقطہ نظر پیش کرنے کے لئے کہا گیا تو انہوں نے واضح کیا کہ وہ کبھی بھی دوسروں سے اپنا موازنہ کرنے میں مشغول نہیں رہے ہیں۔
نسیم نے ایک مقامی یوٹیوب چینل سے گفتگو کرتے ہوئے کہا کہ کیا میں نے کبھی کہا ہے کہ میں ایک اچھا بولر ہوں یا میں کسی سے بہتر ہوں؟۔
نسیم نے وضاحت کی کہ ان کا بنیادی مقصد ہمیشہ اپنی ٹیم کی فتوحات میں حصہ ڈالنا اور وکٹیں حاصل کرنا رہا ہے، اپنے ساتھیوں کے مقابلے میں خود کو پیمائش کرنے کے بجائے ، انہوں نے خود کو باؤلر کی حیثیت سے مسلسل بہتری اور ارتقا ء کے لئے وقف کردیا تھا۔
انہوں نے کہا کہ ہر کوئی مجھ سے بہتر ہے، میں نے کبھی اس بات پر زور نہیں دیا کہ مجھے دوسروں کے مقابلے میں بہتر بننا ہے، میں نے ہمیشہ اپنی ٹیم کے لئے میچ جیتنے اور اپنی ٹیم کے لئے وکٹیں حاصل کرنے کی کوشش کی ہے، میں نے ہمیشہ دوسروں سے اپنا موازنہ کرنے کے بجائے ایک بہتر بولر بننے کی کوشش کی ہے۔
