پاکستانی کرکٹرز سخت حفاظتی اقدامات کے ساتھ نیشنل کرکٹ اکیڈمی سے ایئرپورٹ جانے والی بس میں سوار ہوئے، ٹیم کی پرواز 12 بجے علامہ اقبال انٹرنیشنل ایئرپورٹ سے شیڈول ہے۔
کیمپ میں شامل کھلاڑیوں کے ساتھ محمد رضوان، شاہین شاہ آفریدی، حارث رؤف اور طیب طاہر بھی ٹیم کے ساتھ ہیں۔
Pakistan team on their way to Sri Lanka for three-match ODI series against Afghanistan#PakvsAfg pic.twitter.com/7jPBthUS8B
— Cricket Pakistan (@cricketpakcompk) August 17, 2023کپتان بابر اعظم، نسیم شاہ، محمد نواز، افتخار، محمد حارث اور فخر زمان کولمبو میں ٹیم کو جوائن کریں گے۔ پاکستانی ٹیم کولمبو سے ہمبنٹوٹا جائے گی جہاں تربیتی کیمپ کا آخری مرحلہ جمعہ سے شروع ہوگا۔
پاکستان اور افغانستان کے درمیان دو ایک روزہ بین الاقوامی میچز 22 اور 24 اگست کو ہمبنٹوٹا میں کھیلے جائیں گے۔
کولمبو 26 اگست کو تیسرے میچ کی میزبانی کرے گا، ایشیا کپ کے لیے پاکستان اور افغانستان کی ٹیمیں 27 اگست کو لاہور پہنچیں گی۔
