راجن پور میں مسافر بس الٹنے سے 5 افراد جاں بحق اور 20 زخمی ہوگئے۔
حادثے کا شکار ہونے والی بس سخی سرور سے جیکب آباد جا رہی تھی کہ راجن پور کے علاقے فاضل پور میں واقعہ پیش آیا۔
ابتدائی اطلاعات کے مطابق بس سڑک سے پھسل کر الٹنے کے بعد حادثے کا شکار ہوگئی۔
حادثے کی اطلاع ملتے ہی ریسکیو ٹیمیں جائے حادثہ پر پہنچ گئیں اور زخمیوں کو اسپتال منتقل کردیا۔
شدید زخمیوں کو راجن پور ڈسٹرکٹ اسپتال منتقل کردیا گیا ہے جبکہ دیگر کو فاضل پور کے مقامی اسپتال منتقل کردیا گیا ہے۔
حادثے کا شکار ہونے والے مسافروں میں ایک خاتون اور دو بچے بھی شامل ہیں۔
ریسکیو سروسز کے ضلعی انچارج ڈاکٹر اسلم کا کہنا ہے کہ حادثہ اس وقت پیش آیا جب بس کے ڈرائیور نے نیند آنے کی وجہ سے بے قابو ہو گیا۔
