ممبئی: معروف بھارتی اداکار سنجے دت نے سابق پاکستانی کرکٹر جاوید میانداد کو مبارکباد دیتے ہوئے ان سے جلد ملاقات کی خواہش کا اظہار کیا ہے۔
معروف پاکستانی بلے باز نے فیس بک اکاؤنٹ پر سنجے دت کی ایک ویڈیو شیئر کی، جس میں سنجے دت اپنی تعریف کا اظہار کرتے نظر آرہے ہیں۔
ویڈیو میں بابا کے نام سے مشہور بھارتی اداکار نے جاوید میانداد کی ویڈیو سے اپنی محبت کا اظہار کرتے ہوئے کہا کہ طویل عرصے کے بعد انہیں دیکھ کر خوشی ہوئی۔
اداکار نے امید ظاہر کی کہ وہ اگست میں سری لنکن پریمیئر لیگ کے موقع پر سری لنکا کے خوبصورت شہر کینڈی میں ملیں گے۔
