معروف اداکارہ سلوچنا لاٹکرکی آخری رسومات آج ممبئی کے پربھا دیوی میں ادا کی جائیں گی، وہ گزشتہ روز 94 سال کی عمر میں انتقال کر گئیں تھیں۔
انہیں سانس لینے میں دشواری کے بعد ممبئی کے ایک اسپتال میں لے جایا گیا تھا۔
ان کے اہل خانہ کی جانب سے جاری بیان میں کہا گیا کہ ہمیں یہ بتاتے ہوئے بہت دکھ ہو رہا ہے کہ ہماری پیاری دادی محترمہ سلوچنا دیدی طویل علالت کے بعد انتقال کر گئیں۔
اداکارہ کی آخری رسومات آج شام ساڑھے پانچ بجے شیواجی پارک الیکٹرک قبرستان میں ادا کی جائیں گی اور ان کی آخری رسومات ان کے پربھا دیوی گھر میں ادا کی جائیں گی۔
1999 میں پدم شری ایوارڈ حاصل کرنے والی سلوچنا فلموں بہاروں کے سپنے، کٹی پٹنگ، میرے جیون ساتھی اور کئی دیگر فلموں کے لیے مشہور ہیں۔
انہوں نے کئی مراٹھی فلموں میں بھی کام کیا، جن میں ڈھکی جاو، میتھ بھکر، سسرواس، اور واہنیچیا بنگیہ شامل ہیں، وہ جیکی شروف، دلیپ کمار اور امیتابھ بچن جیسے معروف اداکاروں کے ساتھ ٹیلی ویژن پر نظر آئیں۔
