چند روز قبل سوشل میڈیا پر یہ خبریں گردش کر رہی تھیں کہ شاہ رخ خان کی فلم ‘جوان’ کی ریلیز اگست تک ملتوی کردی گئی ہے اور نئی تاریخ کا اعلان ہونا ابھی باقی ہے۔
6 مئی کو، اداکار نے فلم کا ایک نیا پوسٹر شیئر کیا، جس میں انہوں نے اپنا روپ ظاہر کیا اور نئی ریلیز کی تاریخ بھی شیئر کی۔
ایٹلی کی ہدایتکاری اور گوری خان کی پروڈیوس کردہ یہ فلم اب 7 ستمبر کو سینما گھروں کی زینت بنے گی۔
شاہ رخ خان نے جو پوسٹر شیئر کیا ہے، وہ بالکل شاندار لگ رہا تھا، فلم میں ان کے روپ نے مداحوں کو اور بھی پرجوش کردیا ہے، کیونکہ ان کا کردار ان کے پچھلے کرداروں کی طرح بہت غیر معمولی لگتا ہے۔
شاہ رخ کے مداح انہیں ایک نئے اوتار میں دیکھنے کے لئے بے حد پرجوش ہیں، موشن پوسٹر دیکھنے کے بعد، وہ اپنے جوش و خروش کا اظہار کرنے کے لئے تبصرہ سیکشن میں پہنچ گئے۔
ایک مداح نے لکھا باکس آفس پر ایک اور طوفان، اسی دوران ایک اور مداح نے لکھا 7 ستمبر کو عام تعطیل کا اعلان کیا گیا ہے، کیا کہتے ہیں؟
جوان پہلے 6 جون کو ریلیز ہونے والی تھی، ذرائع کے مطابق اداکار نے ہدایت کار سے کہا کہ وہ فلم کی ریلیز ملتوی کردیں تاکہ ‘جوان’ اور رنبیر کپور کی فلم ‘اینیمل’ کی ریلیز کے درمیان فاصلہ برقرار رکھا جا سکے، پنک والا کی رپورٹ کے مطابق، اب ایک نئی تاریخ کا اعلان کیا گیا ہے۔
شاہ رخ خان کی فلم ‘جوان’ میں نینتھارا، وجے سیتوپتی اور سنیل گروور بھی اہم کرداروں میں نظر آئیں گے۔
