لاہور/ اسلام آباد: ملک بھر میں عیدالفطر مذہبی جوش و خروش سے منائی جا رہی ہے۔
شہر شہر نماز عید کی ادائیگی، ملکی سلامتی، ترقی اور خوشحالی کےلیے خصوصی دعائیں کی گئیں، صدرمملکت نے فیصل مسجد اسلام آباد اور وزیراعظم شہبازشریف نے لاہور ماڈل ٹاؤن میں نمازعید پڑھی۔
چیرمین سینٹ صادق سنجرانی نے عید کی نماز کوئٹہ میں ادا کی، گورنر سندھ کامران ٹیسوری نے گلشن جناح پولو گراؤنڈ، گورنر پنجاب بلیغ الرحمان نے بادشاہی مسجد، عمران خان نے لاہور زمان پارک، شاہ محمود قریشی، یوسف رضا گیلانی نے ملتان اور خواجہ آصف نے سیالکوٹ میں نمازعید پڑھی۔
مولا بخش چانڈیو اور شرجیل میمن نے حیدرآباد میں نمازعید ادا کی، سراج الحق نے منصورہ اور مولانا فضل الرحمٰن نے ڈیرہ اسماعیل خان میں نمازعید پڑھائی۔
