پاکستان ہاکی فیڈریشن (پی ایچ ایف) نے جونیئر ایشیا کپ 2023 کے لیے 18 رکنی اسکواڈ کا اعلان کر دیا ہے۔
ٹیم کنسلٹنٹ رولینڈ اولٹمینز، ٹیم منیجر اور چیف کوچ حنیف خان کی رہنمائی میں لاہور کے ڈی ایچ اے ہاکی اسٹیڈیم میں ٹرائلز مکمل ہونے کے بعد اسکواڈ کا اعلان کیا گیا۔
کوچنگ پینل کے دیگر ممبران عدنان ذاکر، ذیشان اشرف، آصف احمد خان، سید علی عباس اور فزیوتھراپسٹ وقاص محمود بھی موجود تھے۔
کھلاڑیوں میں محمد عبداللہ (کپتان)، عبدالحنان شاہد (نائب کپتان)، علی رضا، محمد فیضان، عقیل احمد، ارباز احمد، احتشام اسلم، محمد سفیان، محمد مرتضیٰ یعقوب، ارباز ایاز، ارشد لیاقت، علی مرتضیٰ، ذکریا حیات، عبدالرحمن، عبدالقیوم ڈوگر، عبدالوہاب، بشارت علی اور بلال اکرم شامل ہیں۔
اسٹینڈ بائی کھلاڑیوں میں محمد بلال اسلم، بلال خان (گول کیپر)، محمد باقر، محمد ندیم خان، محمد عدنان اور وقار علی شامل ہیں۔
